النهاردة موضعنا مهم جدااااااا لحل مشاكل المكملات
24 مايو

النهاردة موضعنا مهم جدااااااا لحل مشاكل المكملات

……..سؤال محير ناس كتير ….

تلاقي واحد يقلك انا بستعمل الواي بروتين ومعملش حاجة معايا …..وواحد تاني يقلك علي اي نوع تاني معملش معاه اي نتيجة….طيب هنا بقي العيب فين….???

لكل منتج من المكملات الغذائية طريقة استخدام للاستفاده منه بصورة صحيحة ..ودي نبذة سريعة عن طرق استخدام بعض المكملات بشكل صحيح..

لطريقة الصحيحة لاستخدام المكملات الغذائية للاستفادة منها

في ناس كتير مش بتعرف تستخدم المكملات بشكل عام وبيستعملوها بشكل غلط ومش بيلاقوا منها طبعا اي نتايج .. هحاول على اد ما اقدر اكتب كيفية استخدام المكمل عشان محدش يجيب مكمل ويستخدمه غلط.

مكملات زيادة الوزن زي السيرياس ماس او الماس فريك او الترو ماس… وغيرهم من مكملات زيادة الوزن .

كل مكمل من دول بيبقى مكتوب عليه تاخد منه كام سكوب علي مدار اليوم.

منتجات الواي بروتين زي: الواي جولد او الكومبات او الايزو 100 او اي منتج واي بيبقى جرعته سكوب واحد بس في المرة .

ده بيبقى جرعته 3 مرات في اليوم اقل حاجة: جرعة الصبح وجرعة بعد التمرين وجرعة قبل النوم بنص ساعة. واللي حابب يزود ده طبعا بيرجع على حسب وزنه واحتياج جسمه للبروتين. وفي ايام الراحة بتاخد جرعتين جرعة الصبح وجرعة قبل النوم.

مكملات الطاقة زي الاسولت او الاكسبلود او الجاك ثري دي:

دي كلها بتاخد منها جرعة واحدة قبل التمرين بنص ساعة وتكون معدتك فاضية يعني تكون اكل قبلها بساعتين على الاقل.

الامينو اسيد زي الامينو 2222 او الامينو ماكس: بردوا كل عبوة بيبقى عليها الجرعة كام حباية بس عموما امينو زي ال 2222 بيبقى الافضل توزيع جرعته على مدار اليوم يعني مثلا 2 قبل كل وجبة و2 قبل التمرين و2 بعد التمرين وده ممكن يمشي على كل انواع الامينو اسيد

الاحماض الامينية bcaa: ودي جرعتها بتبقى قبل وبعد التمرين وكل عبوة بيبقى مكتوب عليها يعني bcaa برو لاب هتلاقي مكتوب عليه السيرف 3 حبات يبقى تاخد 3 قبل التمربن و3 بعد التمرين.

منتجات الريكافيري والجلوتامين: المنتجات اللي زي الامينو 1 او الامينو اكس او الاكس تيند ودي كلها باودرات دي بتتشرب اثناء التمرين زي العصير او المياه يعني بتاخد منها سكوب او 2 وبيتخلط مع مياه وبتخليه يستمر معاك وقت التمرين.\

الجلوتامين: بيبقى بعد التمرين مباشرة وقبل النوم مباشرة

الكرياتين: انواع كتير جدااا في منها بيحتاج تحميل وفي منها بيتاخد على طول وده بردوا هتلاقوه على عبوة المنتج.

عموما المنتجات اللي بتحتاج تحميل زي الكرياتين مونوهيدرات بيبقى استخدامه: بيبقى اول 5 ايام : 5 جرام الصبح على الرئ و5 جرام قبل التمرين بنص ساعة و5 جرام بعد التمرين و5 جرام قبل النوم وبعد ال 5 ايام بيبقى 5 جرام فقط قبل التمرين بنص ساعة.

بالنسبة لبقية انواع الكرياتين بتبقى جرعة واحد قبل التمرين بنص ساعة على معدة فاضية.

حوارق الدهون : بيبقى اغلبها طبعا حبوب وهديكوا مثال على الليبو 6 بلاك الترا: بيبقى حباية قبل الفطار بنص ساعة وحباية قبل الغدا بنص ساعة. وبردوا كل منتج هتلاقوا عليه الجرعة ودايما الجرعة اللي هي بتبقى في المرة الواحدة ونت بتاخد جرعتين بتبقى قبل الفطار وقبل الغدا.

محفزات هرمون الذكورة زي مثلا التست فريك مثلا بيبقى الافضل تناولها قبل النوم : وبتبفرق الجرعة من منتج للتاني.

المالتي فيتامين: مثال على opti men بيبقى حباية قبل وجبة فطار وحباية قبل الغدا.

الانيمال باك بيبقى باكت قبل الفطار وباكت بعد الوجبة اللي قبل التمرين بنص ساعة. ………………………..كابتن ,,,peto

Leave a comment