ارجنين و سيترولينين

طب اولا كده ..

-الأرجنين: الارجنين هو حمض أميني وهو من الاحماض الأمينية الشبه اساسية، والأرجنين غني بعنصر “النيتروجين” واللي الجسم مش بيصنعه.

والارجنين بيقوي المناعة، وبيزيد من إنتاج خلايا الدم البيضاء وبيحفز من إنتاج هرمون النمو

-الارجنين بيتحول في الجسم ل “اكسيد نيتريك” ، والاكسيد نيتريك بيتصنع في الخلايا العصبية

وبيعمل كناقل عصبي بينقل النبضات العصبية من خلية لخلية تاني ..

ودة بيساعد الاوعية الدموية على الاسترخاء وفي نفس الوقت بيحسن الدورة الدموية

من هنا نتفق أنه بيساعد على تحسين تدفق الدم في الشراين وطبعا بالنسبة للحياة الجنسية ليه فايده وانه بيساعد على الانتصاب لأنه بيوسع الشراين ٫ يعني اضمن انك هتبقى بطل😃 ، وبيساعد على تحسين أعراض انسداد الشراين.

– طيب ليه لاعبين كمال الأجسام بيحتاجه يسخدموه؟ وليه معظم منتجات الباور بتحتوي على الارجنين؟

ببساطة لأنه بيزود ضخ الدم ٫وبيحسن القدره على التدريب القوي .. فبيساعدك إنك ترفع اوزان اكتر

وكمان لانه بيساعد في بناء النسيج العضلي.

– طيب ايه الاكل اللي نقدر ناخد منه “حمض الارجنين”؟

من المأكولات البحرية ، ومن اللحمة ، والبيض ،والعدس ، والخضروات بانواعها ، والفواكه.

-طيب ليه بتحتاج انك تزود الارجنين من خلال المكملات ؟

لان وقت التعب والاجهاد ،الجسم مش بينتجه بالكمية الضرورية

وده بيأدي طبعا لضعف العضلات

– طب الاعراض الجانبية واضرار لزياده الارجنين؟

من الاعراض الجانبية انه بيرفع السكر

وبيعمل غثيان والانتفاخ في البطن وممكن انه يسبب انخفاض في الضغط .. وزياده البوتاسيوم ونقص الصوديوم .

…………………………..…